owelcome   obands/singers   oclubs/sessions   ogigs/events   olyrics   olinks   ocontact SFM   osearch

Lyrics - The Twa Corbies

As I was walking a' alane,
I heard twa corbies makin' a mane.
The tane untae the tither did say,
Whaur sail we gang and dine the day, O.
Whaur sail we gang and dine the day?

It's in ahint yon auld fail dyke
I wot there lies a new slain knight;
And naebody kens that he lies there
But his hawk and his hound, and his lady fair, O.
But his hawk and his hound, and his lady fair.

His hound is to the hunting gane
His hawk to fetch the wild-fowl hame,
His lady ta'en anither mate,
So we may mak' our dinner swate, O.
So we may mak' our dinner swate.

Ye'll sit on his white hause-bane,
And I'll pike oot his bonny blue e'en
Wi' ae lock o' his gowden hair
We'll theek oor nest when it grows bare, O.
We'll theek oor nest when it grows bare.

There's mony a ane for him maks mane
But nane sail ken whaur he is gane
O'er his white banes when they are bare
The wind sail blaw for evermair, O.
The wind sail blaw for evermair.'

Back to index page
©scottish-folk-music.com 2011      Web design by - Alan Copeland  Facebook image